امداد ڪانھيو

امداد ڪانھيو: ڪھاڻيڪار، ناول نگار ۽ ڪالم نويس امداد ڪانهيو جو پورو نالو امداد علي ولد خير محمد ڪانهيو آهي. هن 19 آڪٽوبر 1979ع تي ڳوٺ گل محمد ڪانهيو، ضلعي شھيد بينظيرآباد ۾ جنم ورتو. سندس تعليم بي. اي ۽ ايل. ايل بي آهي. عملي طور وڪالت جي پيشي سان سلھاڙيل ۽ بارڪائونسل، ميرپورخاص جو ميمبر آهي. 2015ع کان 2020ع تائين ’عوامي جمهوريه پارٽي‘ ۾ به رهيو. هن لکڻ جي شروعات 1995ع کان ڪئي. سندس ڪيتريون ئي ڪھاڻيون، سياسي، سماجي ۽ ادبي موضوعن تي ڪالم مختلف سنڌي اخبارن ۽ رسالن ۾ شايع ٿيل آهن. سندس ڪھاڻين جو ڪتاب ’مان هِت جنم نه وٺندس‘ (2013ع) ۽ ناول ’آگم پريت‘ (2021ع) شايع ٿيل آهن. سنڌي ادبي سنگت شاخ، ميرپورخاص جو آڊيٽر ۽ سيڪريٽري رهي چڪو آهي. کيس ’انيس انصاري‘ اڪيڊمي طرفان 2013ع ۾ اوارڊ ۽ چانڊوڪي سٿ پاران 2022ع ۾ ’بھترين ڪھاڻيڪار‘ جو اوارڊ مليل آهن. هن وقت سنڌڙي، ضلعي ميرپورخاص ۾ رهي ٿو.

داخلا ۾ استعمال ٿيل تاريخون

1979.10.19  عيسوي

ڪھاڻيڪار، ناول نگار ۽ ڪالم نويس امداد ڪانهيو جو پورو نالو امداد علي ولد خير محمد ڪانهيو آهي. هن 19 آڪٽوبر 1979ع تي ڳوٺ گل محمد ڪانهيو، ضلعي شھيد بينظيرآباد ۾ جنم ورتو.

شخصيتون - ڀاڱي جون ٻِيون داخلائون